IGREXA DE SAN MARTIÑO DE SAGRA SAGRA - O CARBALLIÑO

 IGREXA DE SAN MARTIÑO DE SAGRA

SAGRA

O CARBALLIÑO

Igrexa de San martiño de Sagra

     Igrexa de estilo barroco construída en boa cantería. Posúe unha nave e unha capela maior que sobresaen en altura, con contrafortes angulares ao igual que a fachada. Ábsida cadrada.

      A fachada ten unha portada alintelada con tímpano recto sobre pilastras acanaladas. Dobre frontispicio sobre o que aparece un sinxelo campanario e columnas de corte clásico en relevo.

       No interior hai un retablo maior do século XVII coas estatuas do patrón San Martín, a Asunción e outros santos e evanxelistas.

Sagra
      San Martiño de Sagra é unha parroquia do concello do Carballiño na comarca do Carballiño, na provincia de Ourense.

     Segundo o IGE en 2013 tiña 112 habitantes (63 mulleres e 49 homes), distribuídos en 11 entidades de poboación, o que supón unha diminución en relación ao ano 1999 cando tiña 138 habitantes.

Lugares de Sagra
       Bouteiro, A Carpaceira, Corval, A Fraga, Lebozás, Miomás, Penedo, A Reguenga, Sagra, A Seara, Trigás

Comarca do Carballiño
      A comarca do Carballiño é unha comarca galega situada na provincia de Ourense.

       Toma o nome da súa vila principal.

       Pertencen a ela os concellos de San Amaro, Beariz, Boborás, O Carballiño, San Cristovo de Cea, O Irixo, Maside, Piñor e Punxín. 

MAPA

 

XOAN ARCO DA VELLA