ALBARIZA DE BUSTELO DE FISTEUS - BUSTELO DE FISTEUS - QUIROGA

 ALBARIZA DE BUSTELO DE FISTEUS

BUSTELO DE FISTEUS

QUIROGA

     Os albares ou Albarizas son unhas peculiares construcións de forma redondeada, ás veces circulares, que antigamente se utilizaron para defender as colmeas dos ataques dos osos, animais moi afeccionados o mel.

     Foron quedando abandonados ao ir desaparecendo os osos pardos dos montes do Courel.

          Estas construcións feitas en pedra de lousa miden de 10 a 15 m. de diámetro por 2 de altura, e teñen as pedras superiores intencionadamente saídas cara a fóra para evitar que os osos rubisen.

     Xeralmente tiñan unha porta de entrada.

Bustelo de Fisteus
     Santa Barbára de Bustelo de Fisteus é unha parroquia do concello de Quiroga na comarca de Quiroga, na provincia de Lugo.

      No ano 2007 tiña 24 habitantes, deles 10 eran homes e 14 eran mulleres, o que supón un incremento de 1 habitante en relación ao ano anterior, 2006.

Comarca de Quiroga
     A comarca de Quiroga é unha comarca galega situada no sueste da provincia de Lugo, na fronteira coa comunidade de Castela e León.

     A súa capital é Quiroga e pertencen a ela os concellos de Folgoso do Courel, Quiroga e Ribas de Sil. 

Lugares de Bustelo de Fisteus
     As Barxas, Bustelo de Fisteus, Casa do Vello, Vesarredonda 

MAPA

 

XOAN ARCO DA VELLA