CAPELA DE SANTA BARBARÁ - CAXAMONDE - FIGUEROÁ - PADERNE DE ALLARIZ

 CAPELA DE SANTA BARBARÁ

CAXAMONDE

FIGUEROÁ

PADERNE DE ALLARIZ

       Capela de planta rectangular e pequenas dimensións cuxos muros foron levantados con perpiaño granítico da modalidade de “opus quadratum”.

      Protexida con unha cuberta a catro augas, a súa fachada principal acolle a porta de entrada gorecida baixo un grande arco de medio punto.

      A principal singularidade do edificio é o grande cabildo cuberto co que conta o templo. 

      Tratase dun espazo aberto que sustenta a súa cuberta con catro esteos, dous de madeira e os restantes de granito con arestas biseladas, e que ten por obxecto resgardar das inclemencias meteorolóxicas aos fieis que acoden ao templo.

     Atópase nun outeiro, as aforas do pobo de Caxamonde, xunto a un cruceiro e mais un pombal.

      Recentemente foi reformada. 

 

     Cada 4 de decembro celebrase unha romaría tradicional na que a capela de Santa Bárbara é a protagonista. 

MAPA

 

 Fuente: Web Patrimonio Galego

XOAN ARCO DA VELLA