CAPELA DE SAN MIGUEL DE MOAS - MOAS - BRÁNTEGA - AGOLADA

CAPELA DE SAN MIGUEL DE MOAS

MOAS

BRÁTEGA

AGOLADA

 Moas
     Moas é un lugar da parroquia de Brántega, no concello pontevedrés de Agolada, na comarca do Deza.

     Segundo o INE, no 2008 tiña 19 habitantes (10 homes e 9 mulleres), o mesmo número de habitantes que no ano 2000.

     Nesta aldea existe un vello casal con escudo nobiliario que pertenceu ao conde de Pallares.

Lugares de Brántega
     A Carballa, O Casal, Castro, A Eirexe, A Feira Nova, Fondo de Brántega, Moas, Sobrado, As Torres, Vilanova, O Vilar

Brántega
     San Lourenzo de Brántega é unha parroquia que se localiza no oeste do concello de Agolada.

     Segundo o IGE de 2018 tiña 67 habitantes 25 homes e 42 mulleres distribuídos en 9 entidades de poboación, o que supón unha diminución en relación ao ano 1999 cando tiña 240 habitantes. 

     Nesta parroquia tivo a súa sede a Banda de música de Brántega

Economía
     A parroquia de Brántega foi cabeza do concello e nela celebrábase unha importante feira no lugar da Feira Nova o día 26 de cada mes, hoxe desaparecida. Ademais é un nó de comunicacións para as freguesías do arredor e mantén unha certa actividade comercial e de servizos. 

     A súa maior riqueza é a forestal e destaca pola súa produción de cortiza, xa que a sobreira medra en abundancia na cunca do río Arnego, afectada polo incendio de Toiriz en maio de 2018.

     A gandería é a principal economía da parroquia e hai plantacións de eucalipto e piñeiro, decote afectadas polos incendios. O resto da economía local é a denominada economía de subsistencia propia das aldeas, entre a que se sitúa a produción apícola, moi afectada polas vespas velutinas.

Patrimonio
     Brántega é un nome de raíz céltica. Existen na parroquia varios túmulos funerarios no Campo da Mámoa e en Moas, así como numerosos cruceiros

     A igrexa parroquial, do século XVIII, garda un retablo barroco. Ademais da igrexa, hai tres capelas nos lugares de Moas, O Casal e A Feira Nova.

     No tocante á arquitectura civil, na aldea de Moas existe un vello casal con escudo nobiliario que pertenceu ao conde de Pallares.

Festas
     O titular de Brántega é San Lourenzo, pero a festa patronal e a de San Bartolomeu o 24 e 25 de agosto.
     Celébrase tamén no lugar da Feira Nova a Festa da Santa Cruz.

Lugares de Brántega
     A Carballa, O Casal, Castro, A Eirexe, A Feira Nova, Fondo de Brántega, Moas, Sobrado, As Torres, Vilanova, O Vilar 

MAPA

 

XOAN ARCO DA VELLA