CASA DA GAITA - VIASCON

 CASA DA GAITA

VIASCON

COTOBADE

     Situada en Viascón, concello de Cotobade , a CASA DA GAITA é o primeiro museo galego adicado á gaita de fol.

    Este museo, xestionado pola Asociación de Gaiteiros Galegos, ten un gran valor histórico e cultural para a música tradicional galega. 

     Acolle unha exposición de instrumentos musicais cedidos por Olimpio Xiráldez, Pablo Díaz, Ricardo Vieites “Caxide”, Emilio Lois e Pablo Carpintero. 

     Esta colección de instrumentos vai acompañada de numerosos paneis didácticos, a través dos que tentaremos explicarche cal foi a historia da gaita de fol, como se aprendía a tocar, cales eran e son as súas tipoloxías e como funciona este antiquísimo instrumento musical.

     A CASA DA GAITA conta ademáis cun espazo adicado a un dos máis senlleiros gaiteiros da provincia de Pontevedra: o mestre Ricardo Portela Bouzas, o gaiteiro de Viascón. 

     Nesta sección acharás abondoso material que, cedido pola súa familia, nos lembra a súa figura, paradigma do digno gaiteiro galego, presidente fundador da Asociación de Gaiteiros Galegos e, sen dúbida, un dos mellores gaiteiros que Galicia ten parido.

     A exposición compleméntase cunha colección de fotografías antigas que dan conta, a través da imaxe, da historia e o contexto deste instrumento musical e os seus intérpretes ao longo do século XX.

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

Fuente: Asociación de Gaiteiros Galegos

XOAN ARCO DA VELLA