ERMIDA DA MECÉ - A PONTE MERCÉ - PIDRE - PALAS DE REI

 ERMIDA DA PONTE MERCÉ

A PONTE MERCÉ

PIDRE

PALAS DE REI

 A Ponte Mercé
      A Ponte Mercé é un lugar da parroquia de Pidre no concello lugués de Palas de Rei, na comarca da Ulloa.

      Segundo o Instituto Galego de Estatística, en 2021 tiña tres habitantes (un home e dúas mulleres). 

     Forma un único núcleo xunto coa aldea da da Ponte Mercé (Barreiro, Antas de Ulla), do outro lado do río Ulla.

Toponimia
      O topónimo A Ponte Mercé débese á presenza dunha ponte xunto a unha ermida baixo a advocación da Virxe da Mercede.

Lugares de Pidre
     Chorexe, Frádegas, Laxe, Outeiro, Pidre, A Ponte Mercé 

Pidre
     Santa María de Pidre é unha parroquia do concello de Palas de Rei na comarca da Ulloa, na provincia de Lugo. No ano 2008 tiña 99 habitantes, deles 55 eran homes e 44 eran mulleres, o que supón un aumento de 2 habitantes en relación ao ano anterior, 2007.

Patrimonio
       A igrexa de Santa María de Pidre é de estilo románico, a portada con arco de medio punto e dúas arquivoltas. 

       Na Ponte Mercé está a capela da Mercede, e unha ponte medieval sobre o río Ulla con dous arcos: un oxival e outro de medio punto. No recinto do pazo de Chorexe, a capela de Pardo de Chorexe.

Festas
      Celébrase a festa de San Ramón o 31 de agosto. 

Comarca da Ulloa
     A comarca da Ulloa é unha comarca galega situada na provincia de Lugo cuxa capital é Monterroso. 

     A esta comarca pertencen os concellos de Antas de Ulla, Monterroso e Palas de Rei.  

     No ano 2020 tiña 8.879 habitantes, 4.430 homes e 4.449 mulleres.

       O seu nome procede do río Ulla, que nace na comarca.

MAPA

  

XOAN ARCO DA VELLA