O MAMUT DO INCIO - VAL DO MAO - O INCIO

 O MAMUT DO INCIO

VAL DO MAO

O INCIO

     Instalouse na parroquia de Val do Mao unha escultura que lembra o achado en 1961 do único fósil desta especie atopado en Galicia

     No municipio do Incio instalouse unha réplica a tamaño natural de dous mamuts, un exemplar adulto e unha cría, dentro dunha campaña promovida polo Concello que aproveita a circunstancia de que este municipio é o único de Galicia onde se atoparon restos desta especie prehistórica.

       As esculturas colocáronse xunto á estrada LU-641, nun terreo cedido pola comunidade de montes de Reboiro e acondicionado polo Concello. A paraxe atópase preto dos límites do municipio de Samos.

      Os restos fósiles do mamut do Incio foron atopados en 1961 nunha canteira de rocha calcaria situada na localidade de Buxán e pechada fai xa moito tempo, que nesa época era explotada pola empresa Cementos do Noroeste. Os ósos foron estudados no seu día polo soado xeólogo Isidro Parga Pondal e polo paleontólogo Emiliano Aguirre, que despois sería o primeiro director das escavacións dos xacementos de Atapuerca. Os restos consérvanse no Museo de Historia Natural Luís Iglesias, pertencente á Universidade de Santiago.

VIDEO

MAPA

 

Autor: Francisco Albo

Fuente: La Voz de Galicia

XOAN ARCO DA VELLA