DOLMEN DE PEDRA CUBERTA - TREOS

 DOLMEN DE PEDRA CUBERTA

TREOS

VIMIANZO

A CORUÑA

Vimianzo
     Ten unha grande abundancia de restos megalíticos entre os que destacan os dolmens de Pedra Cuberta, a Casota de Freáns ou Pena Moura de Monte Carnio.

     Nos últimos anos apareceron exemplos de petróglifos nos lugares de Boallo e Berdoias. 

    Na parroquia de Tines atopouse nos anos 50 a Estela de Vitorinus (Museo Arqueolóxico da Coruña) e distintos restos de enterramentos romano-suevos.

     O castelo de Vimianzo (ou Torres de Martelo) mostra un excelente estado de conservación e pódese visitar.

     Outra fortaleza defensiva, esta do século XVI, que merece ser destacada son as Torres de Cereixo situadas ó carón dunha igrexa románica que posúe a primeira representación da traslación do corpo do apóstolo Santiago o Maior.

Dolmens
     Baixo os dolmens galegos hai fabulosos tesouros enterrados...  Iso contan as lendas e algo debe de haber porque o que si se sabe é que están relacionados cos grandes ritos funerarios.

     Os dolmens son construcións do Neolítico formadas por grandes laxas de pedra. En Galicia, coa abundancia de rocas de granito, os dolmens adquiren unha dimensión especial e sorprenden pola súa audacia construtiva.

Dolmen de Pedra Cuberta.
     Dolmen de corredor con cámara octogonal, de seis m de longo e un m e oitenta cm de alto.

     É a única anta en Galicia que presenta restos pictóricos.

     Ten pinturas en negro e vermello sobre fondo branco con motivos ondulados, serpentiformes, unha figura dun ídolo e un zócolo decorado.

     Falta a lousa de cobertura da cámara principal pero conserva a do corredor. 

MAPA

XOAN ARCO DA VELLA