CAPELA DE SAN AMARO - SAN AMARO - A ARNOIA

 CAPELA DE SAN AMARO

SAN AMARO

A ARNOIA

Capela de San Amaro
      Capela cosntruída nos s.XII e XV de pequenas dimensións e dunha soa nave rectangular. 

       Destaca a fachada principal de formas neoclásicas enmarcando a porta de entrada e que se coroa coa imaxe do san, San Mauro, a festa do cal se celebra con grande afluencia de devotos procedentes de toda a bisbarra.

     No interior destaca o presbiterio con bóveda de pedra de época románica.

A Arnoia
      San Salvador da Arnoia é unha parroquia do concello da Arnoia, situada na provincia de Ourense.

       Segundo o IGE, en 2016 tiña 1 002 habitantes (499 homes e 503 mulleres), 182 menos ca en 2006.

     Comarca do Ribeiro
A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste.

      A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

      Ocupa unha superficie de 406,92 km², nos que viven 15.571 habitantes (2020).

     Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira. 

      Existen varios balnearios que aproveitan as augas. 

      Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

MAPA

 

XOAN ARCO DA VELLA