CRUCEIRO DO SANTO CRISTO - O SOUTO - NOGUEIRA - PONTEAREAS

 CRUCEIRO DO SANTO CRISTO

O SOUTO

NOGUEIRA

PONTEAREAS

     Cruceiro que nace sobre catro chanzos de sección cadrada. Nun dos seus chanzos aparece unha pequena placa de mármore que posúe a seguinte inscrición:“A LA DEVOCIÓN JOSÉ PAZOS RODRIGUEZ D.E.P”

     A súa base, de sección cúbica, destaca polas súas caras labradas a modo de fornelas con arcos lobulados. No interior delas podemos ver distintos motivos bíblicos, como as imaxes de Adán e Eva antes e despois de cometer o pecado orixinal.

     A continuación podemos ver a cruz policromada, de sección cilíndrica e con nós. Nela aparecen as imaxes de Cristo crucificado baixo cartela de INRI acompañado dun anxo cun cáliz que recolle o sangue; no reverso a Virxe sobre unha peana con forma de anxo.

     O conxunto atópase cuberto por un baldaquino metálico con cuberta a catro augas. Tamén podemos ver un enreixado de ferro a modo de protección.

     Este cruceiro foi mandado facer co donativo dun emigrante que, na súa viaxe a Arxentina e despois dunha forte tormenta no mar, prometeu facer un Cristo de pedra.

Petos, cruceiros e canastros
    Os petos de ánimas, os cruceiros e os canastros son os tres referentes do que poderiamos chamar os monumentos de arte menor da arquitectura rural de Galicia.

     Para a arte maior deixamos as igrexas, muiños, pazos e outras construcións de carácter civil ou militar como torreóns, murallas, etc.

     Polos montes e vales do sur de Galicia e do norte de Portugal, topámosnos/topámonos con frecuencia con estas encantadoras expresións da arte rural.

Cruceiros
     Sinal de identidade da paisaxe galega e expresión da devoción popular, os cruceiros levántanse en encrucilladas ou preto de ermidas, igrexas e cemiterios.

     Castelao dicía que un cruceiro é "un perdón do ceo", pois segundo o grande escritor galego os cruceiros eríxense para facerse perdoar algún pecado.

     Dado que en Galicia hai uns 12.000 cruceiros, as nosas faltas deben de ser grandes...

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

 Fuente: Web Patrimonio Galego

XOAN ARCO DA VELLA