EXPOSICIÓN ÁLEX VÁZQUEZ - MUSEO M. TORRES - MARÍN

EXPOSICIÓN ÁLEX VÁZQUEZ

MUSEO M. TORRES

MARÍN

     Ata o domingo 23 de febreiro, as persoas afeccionadas á arte e ás flores teñen a oportunidade de achegarse ata o Museo Manuel Torres de Marín. Neste espazo atópase unha mostra pictórica do artista vigués Álex Vázquez.

     Esta semana inaugurábase esta exposición coa presenza da alcaldesa María Ramallo; da presidente da asociación cultural Amigos do Camiño Portugués a Santiago, Tino Lores; a expresidenta do Parlamento de Galicia, Pilar Rojo e a directora xerente da Fundación Cidade da Cultura, Ana Isabel Vázquez.

     A mostra nacía como continuidade da III Mostra Camelias e Mar que se realizaba en Marín na que tamén se podían contemplar obras do veterano pintor paisaxista.

ALEX VÁZQUEZ
     Álex Vázquez - Palacios Gómez (Vigo, 1946) nace no seo dunha familia relevante no panorama artístico galego onde, dende moi temprana idade, mostra claras aptitudes cara ao mundo da cultura e a arte.

     O seu pai, Isidro Vázquez Palacios, pioneiro da actividade creativa a nivel publicitario dentro de Galicia, e o seu tío, Antonio Palacios Ramilo, afamado arquitecto porriñés, estimularon en Álex a profunda vocación artística que marcou toda a súa traxectoria profesional.

     En paralelo vai trazando a súa traxectoria pictórica partindo do realismo dos seus comezos e queimando distintas etapas con notable valentía: figura, retrato, mariñas, paisaxe urbana, ata o informalismo das súas actuais creacións.

       Álex Vázquez conta cunha ampla traxectoria. O seu innegable talento abriulle as portas de moi distintas galerías e centros de prestixio en España e Portugal, onde a súa obra vénse expoñendo con regularidad. Cabe destacar tamén as súas importantes achegas ao campo do deseño gráfico e conceptual.

Museo Municipal Manuel Torres
     Dirección: 3, Avenida de Ourense, 36900 Marín, PO
     Teléfono: 986 89 11 86

  SABER MÁIS DE ÁLEX V.  PICA EL ENLACE
SABER MÁIS DE ÁLEX V.

VIDEO

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

Fuente: Pontevedra Viva

Fotos de la Expo: Pilar Gómez Buhigas