IGREXA DE SANTA MARÍA - VILAR DE ORDELLES - ESGOS

 IGREXA DE SANTA MARÍA

VILAR DE ORDELLES

ESGOS

 
Igrexa e cruceiro de Vilar de Ordelles
       Templo e cruceiro de estilo barroco serodio construídos cara o 1830, o templo é de nave única duns seis metros de altura, con presbiterio mais alto que a nave, con cuberta a catro augas e pináculos nas esquinas e no cumio, sendo na nave a dúas augas.

     A porta é alintelada con ventá rectangular sobre a mesma, cara o coro. Frontón con molduras laterais e remates con pináculos nos laterais.

     A fachada remátase con espadana de dobre corpo, o primeiro con dobre arco, onde se sitúan as campás, o segundo dun arco, con pináculos laterais, e no cume pináculos laterais e cruz de ferro no centro.

     Ten esculturas de certo interese cultural nos retablos do interior.

     O cruceiro érguese sobre unha plataforma de dous chanzos, sobre a que se sitúa a base cadrada tripartita. O fuste é de sección circular con fendas ou acanaladuras lonxitudinais, capitel corintio clásico con decoración vexetal e volutas.

     Na cruz atopamos esculturas, no reverso dunha Virxe e un Cristo crucificado no anverso. E o cruceiro mais traballado do concello, e tamén o mais erosionado, atopase nun cruzamento de camiños ao carón da Virxe da Roca.

Vilar de Ordelles
    Santa María de Vilar de Ordelles é unha parroquia do concello ourensán de Esgos na comarca de Ourense.

     No ano 2007 tiña 432 habitantes (216 homes e 216 mulleres), 5 máis ca en 2000. Ten nove entidades de poboación.

Lugares de Vilar de Ordelles
     A Cabalgada, A Granxa, As Campinas, As Vendas, Folgoso, Laioso, O Pinto, Rebordiños, Vilar de Ordelles

MAPA

 

Fuente: Web Turismo de Ribeira Sacra

XOAN ARCO DA VELLA