SARTEGO DE LOBACES - LOBACES - TRIÓS - ESGOS

 SARTEGO DE LOBACES

LOBACES

TRIÓS

ESGOS

       Lobaces é unha pequena poboación situada na  parroquia de Triós, municipio  de Esgos. Ourense.

        No centro deste pequeno núcleo atopamos a igrexa de nave rectangular, que ten na súa porta un pequeno atrio empedrado ao que se accede desde os dous lados norte e sur a través dunhas puertecillas de reixas e uns chanzos.

       Xunto á porta ao lado sur, ao exterior e ao pé dos tres gradues, é onde atoparemos a tumba, está escavada sobre un afloramento granítico.

      Sepultura de adulto, antropomorfa, pódeselle apreciar reborde en todo o seu perímetro. 

      Este orientada suroeste-nordés esta orientación  vénlle dada pola propia da roca sobre a que se asenta.

        Seguramente aquí existiría antigamente un lugar de culto ao cal debería de pertencer a sepultura e non seria de estrañar que baixo o atrio puidese haber máis sepulturas hoxe soterradas.

MAPA 

 

Fuente: blog enricvillanueva.wordpress.com

XOAN ARCO DA VELLA

AS SALINAS DO SEIXAL - O MUIÑO - CAMPOSANCOS - A GUARDA

 AS SALINAS DO SEIXAL

O MUIÑO

CAMPOSANCOS

A GUARDA

     O que podemos ver neste lugar son os restos moi ben conservados dunha salina de época romana que funcionan mediante a evaporación solar.

      A salina que se describe nesta ficha foi escavado no ano 2019. 

      Os traballos arqueolóxicos se realizaron nunha extensión de 52 m2,e diferentes sondeos na contorna.

     Os restos falan dun complexo salineiro de gran extensión para a produción de salazón de pescado.

      Segundo os arqueólogos: “as estruturas localizadas constan de dez tanques de cristalización localizados, situados de forma escalo nada, con enlousado de pedra y muretes separadores levantados con lousas.

      Localizouse un sistema de canles que abre zonas de paso para o aceso a distintas áreas da salina. 

       Apareceron tamén restos de material romano e castrexo, como unha pedra para moer e cerámica. 

MAPA

 

Fuente: Web Patrimonio Galego

XOAN ARCO DA VELLA

MENHIR DA PICOTA OU DO ABELLÓN - CAMPOSANCOS - A GUARDA

 MENHIR DA PICOTA OU ABELLÓN

CAMPOSANCOS

A GUARDA

 Pedrafita-menhir do Marco

     Tamén é coñecida como pedrafita da Picota ou pedra do Abellón.

     Fai e fixo de marco de termo entre as parroquias de A Guarda e Camposancos.

      Aínda que hoxe non está no seu lugar orixinal -foi trasladada uns metros- sabemos que á súa beira transitaba o vello Camiño Real, camiño costeiro, camiño do mar... mesmo ao pé do impoñente Castro de Santa Trega.

     O nome da Picota ten que ver co axustizamento de reos, cuxas cabezas quedaban penduradas no marco.

     A pedrafita aparece moi erosionada, precisamente debido aos fortes ventos marinos que a acompañan continuamente.

     Debido a esto case xa non se aprecian as moitas cazoliñas que cubrían a súa faciana. 

      Aínda que antiguamente foi moito máis alta, na actualidade acada máis de dous metros.

MAPA

 

Fuente: http://dolmensedemaisfamilia.blogspot.com/

XOAN ARCO DA VELLA

PETRÓGLIFO DO LAPON - PORTECELO - O ROSAL - OIA

 PETRÓGLIFO DO LAPON

PORTECELO

O ROSAL

OIA

      Petrógifos localizados próximos á liña de costa e sobre un conxunto de pedras graníticas de gran fino.

     Os petróglifos aparecen sobre tres paneis contiguos abarcando unhas dimensións totais de 4.5 m de lonxitude pr 2.5 de ancho, e unha orientación Este – Oeste.

     Os gravados constan de sucos, coviñas, espirais levógiras e dextrógiras, círculos concéntricos e un motivo que semella ser un serpentiforme.

     Existen tamén outros gravados de época moderna.

      Próximo a este conxunto existe un asentamento de Idade do Bronce Final coñecido como “As Cubelas”. A súa prospección arqueolóxica aportou cerámica e industria lítica. 

 MAPA

 

Fuente: Web Patrimonio Galego 

 XOAN ARCO DA VELLA

PETROGLIFO E CRUZ DO CASTRO - MONTE DO CASTRO - O CASTRO - COVELO

 PETROGLIFO E CRUZ DO CASTRO

MONTE DO CASTRO

O CASTRO

COVELO

O Castro
     O Castro é un lugar da parroquia de Santiago de Covelo, no concello pontevedrés de Covelo, na comarca da Paradanta.

Santiago de Covelo
     Santiago de Covelo é unha parroquia que se localiza no sur do concello de Covelo na comarca da Paradanta. 

     Segundo o padrón municipal de 2004 tiña 599 habitantes (309 mulleres e 290 homes), distribuídos en 9 entidades de poboación, o que supón un aumento en relación ao ano 1999 cando tiña 565 habitantes.

      Segundo o IGE, no 2014 a súa poboación descendera ata os 494 habitantes, sendo 255 homes e 239 mulleres.

O seu monte veciñal foi recoñecido pola ONU en 2017 como exemplo de conservación e de xestión participada.

Lugares de Santiago de Covelo
     Carballeda, O Carrizó, O Castro, O Costal, Coveliño, A Ermida, Fontán, O Mangón, Pedregal, Os Piñeiros, Santiago de Covelo

Comarca da Paradanta
A comarca da Paradanta é unha comarca galega situada na provincia de Pontevedra. A ela pertencen os concellos de Arbo, A Cañiza (a súa capital), Covelo e Crecente.

     Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado. 

      Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020.

VIDEO

MAPA

 

XOAN ARCO DA VELLA 

PEDRA FILGA - CEBOLEIRA - CALDAS DE REIS

 PEDRA FILGA

CEBOLEIRA

CALDAS DE REIS

Curiosa formación de 3 enormes pedras
      En Caldas de Reis podemos visitar unha formación rochosa de gran tamaño formado por tres pedras que están dispostas a modo de dolmen megalítico, pero das que se cre que a súa formación é natural. Son as coñecidas como Pedra Filga.

Sen intervención humana
     A antigüidade da formación rochosa e o impoñente tamaño das tres pedras que forman o conxunto da Pedra Filga fai pensar que non existe unha intervención humana nesta disposición das pedras, polo que a curiosa disposición desas rocas orixinouse de maneira natural.

      En caso contrario estariamos a falar dun conxunto megalítico único no mundo, pois non se coñecen métodos que na antigüidade puidesen empregarse para mover pezas de pedra de tal calibre para formar un dolmen dese tamaño.

     Estímase que o peso do conxunto pode estar próximo ás 4.000 toneladas.

      A Pedra Filga sitúase na parroquia de Santa María e ata ela chégase seguindo unha pista forestal de pouco máis de medio quilómetro desde o lugar da Ceboleira.

      Pedra Filga é a formación rochosa de 3 pedras de gran tamaño que ten forma de dolmen. Aínda que o máis probable é que se orixinase de forma natural, se fose demostrada a intervención do home sería un monumento megalítico único polo seu tamaño que pode visitarse na localidade de Caldas de Reis.

VIDEO

MAPA

 

Fuente: Web paxinasgalegas

XOAN ARCO DA VELLA

PASAXE DA MOURA - CASTRO DA MAN DA MOURA - BARCIA - QUINS - MELÓN

 PASAXE DA MOURA

CASTRO DA MAN DA MOURA

BARCIA

QUINS

MELÓN

 Barcia
      Barcia é un lugar da parroquia de Quins no concello ourensán de Melón na comarca do Ribeiro.

      Tiña 78 habitantes no ano 2012 segundo datos do INE e do IGE, dos cales 36 eran homes e 42 mulleres.

Quins
     Santa María de Quins é unha parroquia do concello de Melón, na provincia de Ourense.

      Segundo o padrón municipal (INE 2012) ten 876 habitantes (415 homes e 461 mulleres), o que supón un aumento en 12 habitantes en relación ao ano anterior.

      A parroquia está atravesada pola estrada N-120, que comunica Vigo e Ourense.

Lugares de Quins
     Barcia, O Casal, Codesás, Covelo, A Eirexa, A Ibia, Moces, Negrelle, Portalaxe, Portodechán, Quins, A Serra, Vilaverde, Vivenzo

Comarca do Ribeiro
     A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste.

     A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

     Ocupa unha superficie de 406,92 km², nos que viven 15.571 habitantes (2020).

      Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira.

      Existen varios balnearios que aproveitan as augas. Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.  

VIDEO

VIDEO

 

MAPA

 

XOAN ARCO DA VELLA