IGREXA DE SANTO ANDRÉ - FIGUEIRIDO - VILABOA

IGREXA DE SANTO ANDRÉ

FIGUEIRIDO

VILABOA

Igrexa de San André de Figueirido   
     A igrexa de San André de Figueirido é unha construción románica cuxo orixe remontar ao século XII.

     As reformas posteriores mostran hoxe día unha convivencia de estilo onde se distinguen elementos como a fachada, século XVII, e o seu ábside dividido en dous partes: románica e barroca. 

     No interior do templo distínguese un sillar, no muro sur, cun damero gravado que parece ser reaprovechado doutro lugar.

Figueirido
     Santo André de Figueirido é unha parroquia que se localiza no concello pontevedrés de Vilaboa. 

     Segundo o IGE en 2013 tiña 760 habitantes (391 mulleres e 369 homes), distribuídos en 9 entidades de poboación, 79 menos ca en 1999. É a parroquia menos poboada do concello.

Xeografía
     Limita ao norte con Santa Comba de Bértola, ao suroeste con Vilaboa, ao leste coa Canicouva (Pontevedra), e ao noroeste con Salcedo (Pontevedra). A parroquia está situada na Depresión Meridiana. 

     Nela nace o río dos Gafos, que discorre cara ao norte. O curso forma un val polo que pasa a vía portuguesa do Camiño de Santiago, percorrendo un tramo da antiga vía XIX do itinerario de Antonino. 

     Segundo o Diccionario de Madoz, na parroquia había un portádego no camiño de Pontevedra cara a Vigo e Tui.

     Comunícase a través da estrada N-550, e pola autoestrada AP-9 (cunha estación de peaxe). Tamén pasa pola parroquia a vía de ferrocarril entre Pontevedra e Redondela. 

     Antigamente existía o apeadoiro de Figueirido, pero o desvío do corredor atlántico para a liña do Eixe atlántico de alta velocidade provocou a construción dun túnel na zona.

Patrimonio
     A igrexa parroquial é barroca, do século XVII, se ben conserva parte da ábsida rectangular de estilo románico. Sobre o testeiro ten un agnus dei, e nun dos laterais ten unha seteira románica. Ten planta rectangular, co presbiterio cuberto con bóveda de canón. Unha das pedras do muro sur ten gravado un dameiro.

     Na parroquia está a base militar da BRILAT.

San Andrés de Figueirido
Barrios:
     Bergunde, Alcouce e Balteiro.

Lugares:
     Croas, Balteiro, Borrateiros, O Pazo, Alcouce, Boullosa, Canaval, Bergunde, Casfalcón

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA