TORRE DE SOBRADA - A TORRE - SOBRADA DE AGUIAR - OUTEIRO DE REI

 TORRE DE SOBRADA

A TORRE

SOBRADA DE AGUIAR

OUTEIRO DE REI

Torre de Sobrada
     Levantada no s. XV por Fernán Pérez de Ribadeneira, tivo que ser reconstruída tras ser derrubada en 1467 polos irmandiños; presenta na actualidade un estado de conservación deficiente, sendo propiedade da familia D. Andrés Segundo Guerra Pita.

     A torre, fabricada con cachotería de lousa, é de forma cadrada e mide 9,35 metros de lado e 15 metros de altura. 

      Presenta tres corpos ou pisos, así como ventás de granito e antano unha porta, tamén de pedra granítica, que sen dúbida poñía en comunicación a torre co Pazo de Sobrad) no que se atopaba un escudo procedente da citada torre.

Sobrada de Aguiar
     Santa María Madanela de Sobrada de Aguiar é unha parroquia do concello de Outeiro de Rei na comarca de Lugo, na provincia de Lugo. 

     No ano 2007 tiña 146 habitantes, deles 72 eran homes e 74 eran mulleres, o que supón un incremento de 2 habitantes en relación ao ano anterior, 2006.

Patrimonio
     O Castro de Riazás está situado nunha leira de propiedade privada, segundo a tradición popular uníase á Torre de Sobrada a través dunha galería subterránea. 

     A torre, derrubada polos irmandiños en 1467, foi construída no século XV por Fernán Pérez de Ribadeneira sobre unha edificación anterior.

      A uns metros da Torre de Sobrada atópase a Casa de Sobrada con escudo cuartelado con armas de Andrade, Aguiar e Ribadeneira (hoxe no Museo Provincial de Lugo).

Festas
    Virxe da Madalena, o domingo máis próximo ao 22 de xullo.

Lugares de Sobrada de Aguiar
     Cancela, A Carreira Vella, Curutín, Faxilde, Gabín, Laxe, Piñeiro, Riazón, A Torre 

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA

TORRE DE TABOI - TABOI - PACIO - OUTEITO DE REI

TORRE DE TABOI 

TABOI

PACIO

OUTEIRO DE REI

Torre de Taboi
     Primitivo solar dos Saavedra, do que hoxe só resta en pé unha torre incompleta, en estado ruinoso, parcialmente cuberta de maleza.

     Presenta unha forma de pirámide truncada de base cadrada, ou case; fábrica en cachotería de lousa e chea ata un tercio de altura, aproximadamente, de cascallos.

     Presenta na fachada S.O. cunha única porta de acceso, que corresponde á desaparecida ponte levadiza, mentres que na parte alta S.E. hai unha pequena fiestra con lintel triangular de granito.

     Do pazo propiamente dito, podemos citar dúas casiñas unidas, xa desaparecidas, segundo palabras de Manuel Vázquez Seijas -pouco maiores cá unha casa antiga de labrador pobre-: A casa de Bordón e a casa do Pacio.

Taboi
     San Pedro de Taboi é unha parroquia do concello de Outeiro de Rei na comarca de Lugo, na provincia de Lugo. 

     No ano 2007 tiña 87 habitantes (47 homes e 40 mulleres), catro menos ca en 2006.

Patrimonio
O Pazo de Taboi, primitivo solar dos Saavedra, composto por varias casas, entre elas a Casa do Bordón e a Casa do Pacio. 

     Na actualidade só quedan os escudos de armas inseridos nas fachadas das dúas casas, emprazados agora na fachada da Casa de Bordón e a Torre de Taboi.

Lugares de Taboi
     Fontela, Fraiz, Pacio, O Pasadoiro, O Pereiro, A Peroxa, Prado da Cal, San Marcos, Trasfonte, Vilasusá, Xigán

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

 Fuente: Concello de Outeiro de Rei

XOAN ARCO DA VELLA

CAPELA DO ROSARIO - BRAVOS - VICINTE - OUTEIRO DE REI

CAPELA DO ROSARIO

BRAVOS

VICINTE

OUTEIRO DE REI

Capela da Confraría da Nosa Señora do Rosario
     Situada en Bravos (Vicinte), cando esta aldea foi suprimida como parroquia, no amaño parroquial de 1890, deixou de ser igrexa para pasar a subsistir como capela da confraría da Virxe do Rosario (fundada en 1704).

     Esta capela, de pedra de cantería, foi obxecto de varias reformas, algunhas dos primeiros anos do século XV de acordo á inscrición que recollemos máis tarde. 

     Na actualidade o monumento consta dunha nave e ábsida rectangulares, este máis reducido cá nave, ó modo clásico do románico rural. 

     Pero non conserva elemento algún desta primitiva fábrica románica, non anterior á segunda metade do século XII, agás as medidas.

      A parte principal ábrese cun arco de medio punto ó interior e apuntado ó exterior. 

     Cingue un tímpano adintelado esculpido cunha cruz con entrelazos uniformes abrazada por unha circunferencia.

     No muro Sur hai unha parte cun arco de medio punto, ademais dun tímpano decorado cun disco no que destaca un castelo de tres torres amearas. 

     Á dereita do disco leva unha inscrición en carácteres monacais e distribuída en catro liñas. 

Vicinte
     Santa María de Vicinte é unha parroquia do concello de Outeiro de Rei na comarca de Lugo, na provincia de Lugo. No ano 2007 tiña 96 habitantes (54 homes e 42 mulleres), os mesmos ca no ano anterior.

Patrimonio
     Na aldea de Vicinte localízase un castro. 

     A Capela de Bravos é de orixe románico rural; preto dela sobresae dunha pena firme unha sepultura tallada na mesma pedra.

     En Bravos existe un Centro de Interpretación Avifauna.

Festas
    Virxe de Fátima, o 13 de maio.

Lugares de Vicinte
     Bravos, Bustelo, As Carballeiras, Fontefría, A Insua, Sancroio, Vicinte, Vilarelle 

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA

TORRE DE CALDALOBA - A RABADÁ - PINO - COSPEITO

 TORRE DE CALDALOBA

A RABADÁ

PINO

COSPEITO

Torre de Caldaloba
     Na parroquia de Pino atópase o Castelo de Caldaloba que consta dunha torre de 25 metros de altura, emprazada no antigo couto do Mato aproveitando o emprazamento defensivo dun antigo castro, con 4 fosos.

     Só se conserva a torre da homenaxe do antigo castelo, de catro plantas, de anchos muros de cachotería de xisto e de granito, planta cadrada, remate superior abovedado e varios estreitos ventanais.

     Foi propiedade do Mariscal Pardo de Cela, e lugar onde a súa filla Constanza de Castro se rebelou en 1483 contra os enviados dos Reis Católicos, como vinganza á decapitación do seu pai en Mondoñedo. 

     As revoltas Irmandiñas e o paso do tempo ocasionaron o seu actual estado ruinoso, pois queda abandonada desde o s. XV, aínda que actualmente as súas ruínas están consolidadas. 

      Cóntase a existencia dun túnel que parte do castelo ata o pazo de Caldaloba, que se atopa preto da fortaleza.

Pino
      San Martiño de Pino é unha parroquia do concello de Cospeito na comarca da Terra Chá, pertence ao arciprestado de Trobo, delimitada polas parroquias de Oleiros e Seixas polo norte; Xoibán e Támoga polo sur; Vilapene e Cospeito polo leste, e Nete polo oeste.

     Pino tiña unha poboación 441 veciños no ano 2016 nunha extensión de 15,6 km².

A poboación encóntrase agrupada en 19 lugares: 
     Bouza, Broz, Carracido, A Casiña, O Castro, A Costa, Desecabo, Fontesalgueira, A Fraga, Gaioso, Guldeiros, Infesta, O Mato, A Millarada, O Monte, Porto, A Quenlla, A Rabadá e O Sumeiro.

Cospeito
     Cospeito é un concello da provincia de Lugo, pertence á Terra Chá. 

Xeografía
     Está situado na comarca da Terra Chá. Destaca a lagoa de Cospeito, con presenza de patos, garzas e outras especies, de interese para os afeccionados á ornitoloxía e amantes da natureza.

Patrimonio
     Existen no concello un gran número de sitios arqueolóxicos. Podemos destacar o da Medorra da Millara (tamén chamada Medorra do Marco) situado na Penalba, lugar da parroquia de San Martiño de Pino.

     Tamén na parroquia de Pino atópase a torre de Caldaloba (fortificación medieval) e o pazo de Caldaloba (pazo do século XVII).

     As Torres de Arneiro foron tres antenas de radionavegación de 112 metros de altura na actualidade derrubadas, que foron instaladas no concello polo exército alemán durante a Segunda Guerra Mundial co fin de facilitar o posicionamento e seguimento dos submarinos (U-Boots) e dos avións no Golfo de Biscaia.

Turismo
     Na parroquia de Muimenta celébrase o 1 de maio a festa da filloa de Muimenta, declarada de interese turístico pola Xunta de Galicia.

Parroquias de Cospeito    
     Arcillá (San Paio), Bestar (Santa María), Bexán (San Paio), Cospeito (Santa María), Goá (San Xurxo), Lamas (San Martiño), Momán (San Pedro), Muimenta (Santa Mariña), Pino (San Martiño), Rioaveso (Santalla), Roás (San Miguel), Santa Cristina (San Xiao), Seixas (San Pedro), Sisoi (Santalla), Sistallo (San Xoán), Támoga (San Xiao), Vilapene (Santa María), Vilar (Santa María), Xermar (Santa María), Xustás (Santiago)

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA