TUMBA DA VIRXE - CAPELA DE SANTA OLAIA - LUINTRA - NOGUEIRA DE RAMUÍN

 TUMBA DA VIRXE

CAPELA DE SANTA OLAIA

LUINTRA

NOGUEIRA DE RAMUÍN

Tumba da Virxe
      Sartego medieval localizado detrás da ábsida da capela de Santa Olaia de Luintra, coñecido como “A Tumba da Virxe”. Está escavado nunha rocha que aflora na ladeira que descende cara o regueiro de Viñoás.

     O rochedo acolle unha sepultura antropoide escavada na rocha e cunha orientación E-W. A lonxitude total do sartego é de 2,16 m, incluíndo o rebaixe da tampa localizado aos pés do sartego.

     A anchura máxima da peza é de 50 cm, mentres que a mínima, localizada á altura dos pés, acada os 30 cm.

Capela de Santa Olaia
        Capela cunha única nave e planta rectangular. Os muros son de sillaría de granito e a cuberta a tres augas remátase con tella cerámica. Fronte con pequena espadana dun van con pequena campá, con remate en cruz de ferro e pináculos decorativos. Na cima do muro frontal, ten dous grandes pináculos enriba da moldura decorativa.

      Nos muros laterais ten pequenos ocos a modo de ventás verticais. Tamén ten pequenos ocos verticais nos laterais da porta de entrada.

      A actual capela e do século IXX, concretamente do ano 1873.

    Nas proximidades podemos ver unha tumba antropomorfa, feita nunha peneda situada polo lado de nacente, coñecida como “a tumba da virxe”.

MAPA 

 

Fuente: Web Patrimonio Galego

XOAN ARCO DA VELLA