IGREXA DE SAN MARTÍN DE SABADELLE - SABADELLE - PEREIRO DE AGUIAR

 IGREXA DE SAN MARTÍN DE SABADELLE

 SABADELLE

PEREIRO DE AGUIAR

 Iglesia de San Martín de Sabadelle
      É unha igrexa de planta románica, datada entre finais do século XII e principios do XIII aínda que sufriu reformas posteriores coas que se perderon elementos desta primeira construción como a ábsida.

     Foi nunha desas remodelacións cando se lle engadiu en pártea sur a sancristía e a capela da nosa Señora dos Dolores, con espadana e entrada propia.

     A súa portada principal é románica con arco de medio punto e dobre arquivolta apoiado en dúas columnas a cada lado da entrada.  

     O tímpano non presenta decoración.

      Posúe espadana con dous corpos do século XIX; o inferior ten dous arcos de medio punto onde se atopan as campás; o segundo presenta un só arco cunha campá máis pequena e coroado por unha cruz latina sobre pedestal.

     De especial interese é o singular artesonado que cobre parcialmente o teito, con tracerías de estilo mudéxar. 

     Ademais disto, ten un sepulcro no muro do Evanxeo, e o púlpito, aínda que é moderno, sostense sobre unha columna de estilo románico.

MAPA

 

Fuente: Concello de Pereiro de Aguiar 

XOAN ARCO DA VELLA