CALVARIO DE SANTA MARIÑA DE CARRACEDO - O CAMPO - CARRACEDO - CALDAS DE REIS

 CALVARIO DE SANTA MARIÑA

O CAMPO

CARRACEDO

CALDAS DE REIS

      Calvario formado polo cruceiro central de maior tamaño e dous laterais máis pequenos.

     O cruceiro central nace sobre unha plataforma de sección octogonal feita en cachotería. 

     A continuación dous chanzos de sección octogonal. A base, de sección troco-piramidal, presenta varios relevos que mostran caveiras, tíbias cruzadas e lagartos. 

     O varal nace cunha sección cadrada cos catro lados decorados con tíbias cruzadas, caveiras, cravos e a cruz de Santo André. 

      A continuación o varal segue en sección cilíndrica con acanaladuras e con dúas imaxes (San Francisco e Santiago Apóstolo). 

      O capitel é de estilo xónico con motivos vexetais, volutas e cabezas de anxo. 

    O cruceiro remata cunha cruz na que podemos ver as imaxes de Cristo crucificado baixo cartela de INRI no anverso, e a Virxe no reverso.

      A cruz do lateral esquerdo nace sobre unha base tronco-cónica. 

      Posúe sección octogonal coas arestas rebaixadas.
A cruz do lateral dereito nace sobre unha base cúbica. Posúe sección octogonal coas arestas rebaixadas. 

MAPA

 

Fuente: Web Patrimonio Galego

XOAN ARCO DA VELLA